ബാലതാരമായിരുന്ന ഹരി മുരളിയെ വീട്ടില് മരിച്ച നിലയില് കണ്ടെത്തി. പയ്യന്നൂര് അന്നൂരിലെ വീട്ടിലാണ് മരിച്ച നിലയില് കണ്ടെത്തിയത്. രസികന്, അണ്ണന് തമ്പി, മാടമ്പി തുടങ്ങിയ അന്പതോളം സിനിമകളില് ബാലതാരമായി അഭിനയിച്ചിട്ടുണ്ട്. വിഎഫ്എക്സ് ആര്ട്ടിസ്റ്റായി ജോലി ചെയ്യുകയായിരുന്നു. മൃതദേഹം പയ്യന്നൂര് ബേബി മെമ്മോറിയല് ആശുപത്രിയിലേക്ക് മാറ്റി.
നാടക, സിനിമ നടന് കെ.യു മുരളിയുടെയും, പ്രസന്നയുടെയും മകനാണ്. സഹോദരന് ശ്രീമുരളി. അഭിനയത്തില് സജീമല്ലാതിരുന്ന താരം എറണാകുളത്ത് ഗ്രാഫിക് ഡിസൈനറായി ജോലി ചെയ്യുകയായിരുന്നു. മുപ്പത് വര്ഷത്തോളമായി നാടക രംഗത്ത് സജീവമായ പയ്യന്നൂര് മുരളിയുടെ മകനാണ് ഹരി മുരളി. സീരിയലിലൂടെയാണ് ഹരി അഭിനയരംഗത്ത് എത്തുന്നത്. എ.എം. നസീര് ആണ് സീരിയലില് ചെറിയ വേഷം ചെയ്യാന് അന്നേരം നാലര വയസ്സ് മാത്രം പ്രായമുണ്ടായിരുന്ന ഹരിയെ വിളിക്കുന്നത്. ‘രസികന്’ ആണ് ആദ്യ സിനിമ. ‘രസികനി’ലെ വേഷം പ്രേക്ഷക ശ്രദ്ധ നേടിയിരുന്നു.
