പ്രതിപക്ഷ നേതാവ് വിഡി സതീശന്റെ നാമനിര്ദേശ പത്രികയ്ക്കെതിരായ പരാതി തെരഞ്ഞെടുപ്പ് കമ്മീഷന് തള്ളി. യഥാര്ഥ വരുമാനം കാണിച്ചില്ലെന്ന് ആരോപിച്ച് എല്ഡിഎഫും എന്ഡിഎയുമാണ് പരാതി നല്കിയത്. നാമനിര്ദേശ പത്രികയുടെ സൂക്ഷ്മപരിശോധനയ്ക്ക് മുമ്പാണ് പറവൂരിലെ എല്ഡിഎഫ് സ്ഥാനാര്ഥിയായ ടൈസണ് മാസ്റ്ററും എന്ഡിഎയും പരാതി നല്കിയത്. സൂക്ഷ്മ പരിശോധനയ്ക്കൊടുവിലാണ് വിഡി സതീശന്റെ പത്രിക അംഗീകരിച്ചത്.
അഭിഭാഷകനായ വിഡി സതീശന്റെ വരുമാനത്തിന്റെ യഥാര്ഥ സ്രോതസ് കാണിച്ചില്ല, ഉപയോഗിക്കുന്ന ഔദ്യോഗിക വാഹനത്തിന്റെ പിഴ അടച്ചതിന്റെ കുടിശികയുടെയും വിവരങ്ങള് കാണിച്ചില്ല, കൈവശമുള്ള സ്വര്ണത്തിന്റെ മൂല്യം പത്രികയില് കാണിച്ചില്ല എന്നീ കാര്യങ്ങള് ചൂണ്ടിക്കാണിച്ചു കൊണ്ടായിരുന്നു പരാതി.
Follow Us
