നിയമസഭ തെരഞ്ഞെടുപ്പിന്റെ വോട്ടെണ്ണല് ആദ്യ ഒന്നര മണിക്കൂറിലേക്ക് അടുത്തപ്പോള് ധര്മ്മടം മണ്ഡലത്തില് മുഖ്യമന്ത്രി പിണറായി വിജയന് പിന്നില്പ്പോയി. സിപിഎമ്മിന്റെയും എല്ഡിഎഫിന്റെയും കോട്ടയായ കണ്ണൂരിലെ ധര്മ്മടത്ത് ആദ്യ രണ്ടു റൗണ്ടിലും മുന്നിലായിരുന്ന പിണറായി വിജയന് മൂന്നാം റൗണ്ടിലാണ് പൊടുന്നനെ പിന്നിലായത്.
യുഡിഎഫിന്റെ വി പി അബ്ദുള് റഷീദാണ് മുഖ്യമന്ത്രി പിണറായി വിജയനെ പിന്നിലാക്കിയത്. ചെമ്പിലോട് പഞ്ചായത്തിലെ വോട്ടെണ്ണുമ്പോഴാണ് പിണറായി വിജയന് പിന്നിലേക്ക് പോയത്. 733 വോട്ടിന്റെ ലീഡാണ് അബ്ദുള് റഷീദ് നേടിയത്. കഴിഞ്ഞ തവണ പിണറായി വിജയന് 3500 ലേറെ വോട്ടിന്റെ ഭൂരിപക്ഷം നേടിയിരുന്നു. ആദ്യ ഒന്നര മണിക്കൂര് പിന്നിടുമ്പോള് ബഹുഭൂരിപക്ഷം മന്ത്രിമാരും പിന്നിലാണ്.
