സഹ സംവിധായികയെ പീഡിപ്പിച്ചെന്ന് പരാതി; സുരേഷ് തിരുവല്ലയ്ക്കും സുഹൃത്തിനുമെതിരെ കേസ്

കൊച്ചി: അവസരം വാ​ഗ്‍ദാനം ചെയ്ത് സഹ സംവിധായികയെ പീഡിപ്പിച്ചെന്ന പരാതിയിൽ സംവിധായകൻ സുരേഷ് തിരുവല്ലയ്ക്കും സുഹൃത്ത് വിജിത്ത് വിജയകുമാറിനുമെതിരെ കേസ്. മാവേലിക്കര സ്വദേശിയുടെ പരാതിയിൽ മരട് പൊലീസാണ് കേസ് രജിസ്റ്റർ ചെയ്തത്.

സിനിമയിൽ അവസരം വാ​ഗ്‌ദാനം ചെയ്തും വിവാഹ വാ​ഗ്‍ദാനം നൽകിയും പീഡിപ്പിച്ചുവെന്നാണ് പരാതി. ഓർമ്മ, നാളേക്കായി തുടങ്ങിയ സിനിമകളുടെ സംവിധായകനാണ് സുരേഷ് തിരുവല്ല. വിജിത്ത് സിനിമാ മേഖലയിലെ സെക്സ് റാക്കറ്റിന്റെ കണ്ണി ആണെന്നും ആരോപണമുണ്ട്.

വിജിത്ത് രണ്ട് തവണ ബലാത്സം​ഗത്തിന് ഇരയാക്കിയെന്നും പരാതിയിലുണ്ട്. മാവേലിക്കര സ്വദേശിയായ സഹ സംവിധായിക ചില സിനിമകളിലും അഭിനയിച്ചിട്ടുണ്ട്.