ചെന്നൈ: നടനും ഡിഎംഡികെ സ്ഥാപക പ്രസിഡന്റുമായ വിജയകാന്ത് (71) അന്തരിച്ചു. ചെന്നൈയിൽ വ്യാഴാഴ്ച രാവിലെയായിരുന്നു അന്ത്യം. കോവിഡ് ബാധിച്ചതിനെ തുടര്ന്ന് ഗുരുതരാവസ്ഥയിലായ താരം ആശുപത്രിയില് ചികിത്സയിലിരിക്കെയാണ് മരിച്ചത്.
കഴിഞ്ഞ ദിവസം ചെന്നൈയിലെ സ്വകാര്യ ആശുപത്രിയിൽ പ്രവേശിപ്പിച്ച അദ്ദേഹത്തിന് ഇന്ന് കോവിഡ് സ്ഥിരീകരിച്ചിരുന്നു. ആരോഗ്യനില ഗുരുതരമായതോടെ വെന്റിലേറ്ററിലേക്ക് മാറ്റുകയായിരുന്നു.
ഒരാഴ്ച മുമ്പ് ചെന്നൈയില് നടന്ന ഡിഎംഡികെ ജനറല് കൗണ്സില് യോഗത്തില് പങ്കെടുത്തിരുന്നു. ലോക്സഭാ തിരഞ്ഞെടുപ്പിലെ സഖ്യം സംബന്ധിച്ച് ചര്ച്ചകള് നടക്കുന്നതിനിടെയാണ് വിയോഗം.
പ്രേമലതയാണ് ഭാര്യ. ഷണ്മുഖ പാണ്ഡ്യന്, വിജയ് പ്രഭാകര് അളകര്സാമി എന്നിവര് മക്കളാണ്.
Tamil film actor Vijayakanth passed away
